Almatylyqtarǵa jer silkinisi týraly habarlama keldi

ALMATY. KAZINFORM – Búgin shamamen 16:26-da Almaty turǵyndarynyń telefondaryna jer silkinisi týraly tótenshe habarlama tústi. Alaıda qalada jer dúmpýi sezilgen joq. 

– Nazar aýdaryńyz! Jer silkinisi! Qaýipsiz jerlerdi pana­lańyz. Dúmpýler aıaqtalǵannan keıin ǵımarattan qaýipsiz qashyqtyqqa evakýatsııala­ńy­z!

Ýákiletti organdardyń nusqaýlaryn muqııat qadaǵalańyz. Qosymsha aqparattar Tótenshe jaǵdaılar departamenti men Almaty qalasy ákimdiginiń saıttary men áleýmettik jelilerinde, - delingen habarlamada.

Atalǵan habarlama qala turǵyndary arasynda úreı týǵyzdy. 

Foto: vıdeodan alynǵan skrın

Al, qalalyq TJD ókilderi turǵyndardy sabyr saqtaýǵa shaqyryp, seısmologtardan eshqandaı derek túspegenin atap ótti.