Almatylyqtarǵa jer silkinisi týraly eskertý keldi
ALMATY. KAZINFORM — 23 qazan kúni Almaty turǵyndaryna jer silkinisine baılanysty eskertý keldi.
Habarlamada turǵyndarǵa qaýipsiz jerlerdi panalaýǵa jáne dúmpýler basylǵannan keıin ǵımarattardan qaýipsiz qashyqtyqqa evakýatsııalanýǵa keńes berilgen.
— Nazar aýdaryńyz! Jer silkinisi! Qaýipsiz jerlerdi panalańyz. Dúmpýler aıaqtalǵannan keıin ǵımarattan qaýipsiz qashyqtyqqa evakýatsııalańyz. Ýákiletti organdardyń nusqaýlaryn muqııat qadaǵalańyz, — delingen eskertýde.
Sonymen qatar, qosymsha aqparattyń Almaty ákimdigi men Tótenshe jaǵdaılar departamentiniń resmı saıttary men áleýmettik jelilerinde jarııalanatyny aıtylǵan.
Habarlama memlekettik jáne orys tilderinde taratyldy.
Keıinirek QR TJM «Seısmologııalyq zertteý ınstıtýty» JShS Almatyda jer silkinisi tirkelgenin habarlady.
Jer asty dúmpýiniń sezilgeni jónindegi aqparat naqtylanyp jatyr.