Almatylyqtarǵa shuǵyl habarlama keldi
ALMATY. KAZINFORM – Almaty turǵyndary búgin 11:00-den bastap oqý-jattyǵý týraly habarlama alyp jatyr. Android telefondarynda eskertý qatty dybystyq sıgnalmen jáne ekranda habarlamamen birge keldi.
Almaty qalasynyń polıtsııasy bul lańkestikke qarsy oqý-jattyǵý ótkizý týraly habarlama ekenin málimdedi.
«QR Terrorızmge qarsy Ortalyǵynyń muryndyq bolýymen Almaty qalasynyń aýmaǵynda aǵymdaǵy jyldyń 31 qazanynda terrorızmge qarsy oqý-jattyǵýlar júrgiziledi.Oqý-jattyǵýdyń maqsaty – lańkestik sıpattaǵy túrli qaýip-qaterlerge qarsy áreket etý úshin quqyq qorǵaý jáne arnaıy organdardyń kúshteri men quraldarynyń daıyndyǵyn tekserý.Oqý-jattyǵý maqsattary terrorızmge osal nysandarda terrorızm aktileriniń jolyn kesý mehanızmin jetildirýge baǵyttalǵan.
Osyǵan baılanysty, Almaty qalalyq terrorızmge qarsy jedel shtaby qala turǵyndaryn júrgizilip jatqan oqý-jattyǵý sharalaryna, kólik pen halyqtyń qozǵalysyna múmkin bolatyn ýaqytsha shekteýlerge túsinistikpen qaraýǵa shaqyrdy.
«Aıta keteıik, QR-nyń «Ákimshilik quqyq buzýshylyq týraly» Kodeksiniń 443-babyna sáıkes, qoǵamdyq tártipti qamtamasyz etýge qatysýshy adamnyń zańdy talabyna baǵynbaý ákimshilik jaýapkershilikke ákep soǵady»,- dep habarlady Almaty qalalyq terrorızmmen kúres jónindegi jedel shtab.
