Almatylyqtarǵa Raıymbek dańǵylyndaǵy shekteýlerge baılanysty eskertý jasaldy

ALMATY. KAZINFORM — 5 mamyrdan 12 mamyrǵa deıin Raıymbek dańǵylynda kórkeıtý jumystary júrgiziledi.

BRT jelisiniń qurylysy aıasynda túrli ýchaskede qajetti keńistik bosatylyp, eski jabyn alynady jáne tas tóseýge negiz daıyndalady.

— Bul jumystar jaıaý júrginshiler aımaqtaryn, velosıped joldaryn jáne qalany kógaldandyrýdy yńǵaıly etý maqsatynda júrgizilip jatyr. Jolda azdaǵan shekteýler bolýy múmkin, sondyqtan baǵyttaryńyzdy aldyn ala josparlańyzdar, — dep habarlady Almaty ákimdigi.

Eske salaıyq, sáýir aıynyń sońynda Raıymbek dańǵylynda BRT qurylysy bastaldy.

Odan keıin Jeltoqsan kóshesi boıymen BRT jelisiniń qurylysy júrgizile bastady.