Almatylyqtarǵa eskertý: Ál-Farabı dańǵylyndaǵy ótkelderge hımııalyq óńdeý júrgiziledi
ALMATY. KAZINFORM — Almatynyń Ál-Farabı dańǵylyndaǵy jaıaý júrginshiler ótkelderinde kúrdeli jóndeý jumystary júrgizilip jatyr.
Bostandyq aýdany ákimdiginiń málimetinshe, atalǵan jerústi jaıaý júrginshiler ótkelderinde syrlaý jumystary bastalady.
— Syrlaýdan buryn metall konstrýktsııalar tottan tazartylyp jatyr. Korrozııany ketirý úshin arnaıy suıyqtyq qoldanylady — tússiz, biraq hımııalyq belsendi zat. Ol terimen tikeleı janasqanda qaýipsiz, sonymen qatar kólikterdiń lak-boıaý qabatyna nemese basqa bólshekterine zııan keltirmeıdi. Sondyqtan bul zatty jol boıyndaǵy ótkelderde de qaýipsiz qoldanýǵa bolady, — dep habarlady ákimdikten.
Sondaı-aq Bostandyq aýdany ákimdigi turǵyndardan jóndeý júrgizilip jatqan aýmaqtarda abaı bolýdy, júrip-turatyn baǵytty aldyn ala josparlaýdy jáne qolaısyzdyqtarǵa túsinistikpen qaraýdy ótindi.
Eske salaıyq, buǵan deıin Ál-Farabı dańǵylyndaǵy jaıaý júrginshiler ótkelinde turǵyndar qorshaýdy ózderi alyp tastap, qaýipti nysan arqyly joldyń qarsy betine ótken.