Almatylyqtarǵa Bogdanovıch muzdyǵyna barý qaýipti ekeni eskertildi

Almatyda Bogdanovıch muzdyǵyna aparatyn týrıstik jol boıynda qar kóshkini qaýpi saqtalady, dep habarlaıdy Kazinform.

Almaty qalasy tótenshe jaǵdaılar departamenti Qazgıdromettiń eskertýi negizinde: jaýyn-shashynnyń túsýi men Kishi jáne Úlken Almaty ózenderiniń basseınderindegi qar jamylǵysynyń turaqsyz jaǵdaıyna baılanysty qar kóshkini júrý kaýpin eskertti. 

«Aldyn alý sharalaryn kabyldaý maksatynda qaýipsizdikti qamtamasyz etý, sondaı-aq týrıster men kelýshilerdiń kirýin shekteý úshin Bogdanovıch muzdyǵynyń kireberis jolynda «Abaılańyz! Muzdyq qulaýy múmkin!», «Abaılańyz! Kóshkin qaýpi bar ýchaske!» (úsh tilde ornatqan) eskertý taqtalary qoıyldy», - dep habarlady TJD-da. 

Osyǵan baılanysty, «Qazseldenqorǵaý» MM men Almaty qalasy TJD týrıster men demalýshylardy qarly betkeılerge shyqpaýǵa, muz úńgirine kirmeýge, taýly jerlerde barlyq qaýipsizdik sharasyn saqtaýǵa shaqyrdy.