Almatylyqtarǵa bıyl 120 myń pasport pen jeke kýálik berildi
ALMATY. KAZINFORM — Almaty turǵyndary bıyl qansha jeke kýálik pen júrgizýshi kýáligin alǵany belgili boldy.
2026 jyldyń basynan beri Almaty qalasynyń halyqqa qyzmet kórsetý ortalyqtary 700 myńnan astam memlekettik qyzmet kórsetti. Bul týraly «Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly habarlady.
Onyń ishinde:
— kólik quraldaryn memlekettik tirkeý, esepke qoıý jáne esepten shyǵarý boıynsha — 217 063 qyzmet;
— pasporttar men jeke kýálikterdi berý boıynsha — 120 524 qyzmet;
— júrgizýshi kýálikterin berý boıynsha — 42 911 qyzmet kórsetilgen.
Sondaı-aq memlekettik korporatsııanyń Almaty fılıaly Memlekettik qyzmet isteri agenttigimen birlesip, qala turǵyndary úshin Ashyq esik kúni ótkizilgenin atap ótti.
— Іs-shara aıasynda azamattar mamandarǵa tikeleı júginip, memlekettik qyzmet kórsetý máseleleri boıynsha keńes alý múmkindigine ıe boldy. Jalpy 700-ge jýyq almatylyqqa konsýltatsııalyq kómek kórsetildi. Eń suranysqa memlekettik qyzmetter qatarynda: jyljymaıtyn múlikti tirkeý, azamattyq hal aktilerin rásimdeý, áleýmettik qamsyzdandyrý, jer kadastry jáne qujattardy rásimdeý bar, — dep habarlady Almaty fılıaly.
Eske salaıyq, buǵan deıin Almatyda 15 myńǵa jýyq azamat jeke menedjerge júgingenin jazǵanbyz.
