Almatylyqtardy beımálim qatty dybys shoshytty

ALMATY. KAZINFORM — Almatynyń ártúrli aýdanynda keshke qaraı birtúrli dybys estildi.

Qala turǵyndary áleýmettik jelilerde shamamen saǵat 17:40–ta Jetisý, Alataý, Naýryzbaı jáne Áýezov aýdandarynda túsiniksiz dybys estilgenin jazdy.

Kópshiligi bul jylý elektr ortalyqtarynyń birinde aýa shyǵarý jumystaryna baılanysty bolýy múmkin dep boljam aıtty.

Almatynyń tótenshe jaǵdaılar departamenti bul jaıtqa qatysty túsinik berdi. Vedomstvonyń málimetinshe, dybys JEO-1-de tútin men kúıeden qubyrlardy josparly túrde tazalaý (jýyp shaıý) jumystarynan keıin shyqqan.

Departament turǵyndarǵa eshqandaı qaýip joǵyn jáne jaǵdaı tolyq baqylaýda ekenin málimdedi.

Eske salaıyq, dál osyndaı dybys byltyr da jylý elektr stansasynan shyqqan edi.