Almatylyqtar jer silkinisin sezdi
ALMATY. KAZINFORM — Almaty turǵyndary jer silkinisin sezindi.
«QR TJM „Seısmologııalyk zertteý ınstıtýty“ JShS seısmıkalyq stantsııalar jelisi 2024 jylǵy 25 qarashada Astana ýaqytymen 23 saǵat 45 mınýtta Jetisý oblysynda jer silkinisin tirkedi. Seziletindigi týraly málimetter naqtylanýda», — dep jazdy mınıstrlikti baspasóz qyzmeti.
Jer silkinisi bir ýaqytta elimizdiń birneshe qalasynda sezilgen
Tótenshe jaǵdaılar mınıstrliginiń málimetinshe:
- Almaty 2 ball,
- Jarkent qalasy 4 ball,
- Chýndja aýyly 3 ball,
- Tekeli 3,
- Qyrǵyzsaı aýyly 2 ball,
- Qarabulaq kenti 2 ball,
- Jansúgirov aýyly 2 ball,
- Kókpek aýyly 2 ball,
- Sarqant qalasy 2 ball,
- Taldyqorǵan qalasy 2 ball
Jer silkinisi kezindegi 10 qarapaıym qadam
1. Jer dúmpýi kezinde úreılenbeńiz;
2. Jer silkiný kezinde lıft jáne baspaldaqpen qoldanbańyz;
3. Jıhazdan, terezeden, ary turyńyz;
4. Jasyrynatyn jerdi tabyńyz — joǵarǵy qabattarda negizgi irgeli qabyrǵalardyń buryshynda oryn alyp jasyryńyz;
5. Ǵımarattan shyǵyńyz (tómengi qabattarda); — kóp qabatty úılerde jer silkis aıaqtalǵan soń ǵımarattan shyǵyńyz;
6. Keter aldynda sýdy, gazdy, elektr qýatyn múmkindigińizshe óshirińiz;
7. Dabyl jol sandyǵyn alyńyz (aldyn ala daıyndaý qajet);
8. Elektr jelilerden, ǵımarat, aǵashtardan aýlaq bolyńyz;
9. Jer silkinýine daıyn bolyńyz;
10. Qart adamdarǵa, balalarǵa, múmkindigi shekteýli adamdarǵa kómek kórsetińiz.
Eske salaıyq, 5 qarasha kúni jer silkingen bolatyn.
Sondaı-aq zilzalanyń kúshi Almatyda 3, Talǵarda — 4, Esik qalasynda — 4, Túrgen aýylynda 3, Ótegen batyr aýylynda 3, Boraldaı aýylynda 2, Malovodnoe aýylynda, S. J. Qaıypova aýylynda 2, Alataý qalasynda (Jetigen) 2, Qarasaı qalasynda (Qaskeleń) 2 ball bolǵan edi.
Buǵan deıin Tótenshe jaǵdaılar departamenti Almatyda kúshti jer silkinisi bolǵan jaǵdaıda sanaýly saǵatta bas saýǵalaıtyn baza qurylatyny týraly aıtqan bolatyn.
Osyǵan deıin Ulttyq seısmologııalyq baqylaýlar jáne zertteýler ǵylymı ortalyǵy dırektorynyń ǵylym jónindegi orynbasary Elızaveta Esenjigitova almatylyqtar jer silkinisine árqashan daıyn bolý kerektigin eskertken bolatyn.