Almatyda jer silkindi

ALMATY. KAZINFORM – Almaty turǵyndary jer silkinisin sezindi.

«QR TJM «Seısmologııalyk zertteý ınstıtýty» JShS seısmıkalyq stantsııalar jelisi 2024 jylǵy 5 qarashada Astana ýaqytymen 10 saǵat 1 mınýtta Almaty oblysy men Almaty qalasynda jer silkinisin tirkedi. Seziletindigi týraly málimetter naqtylanýda»,- dep jazdy mınıstrlikti baspasóz qyzmeti.

Zardap shekkender men qıraýlar týraly málimet túsken joq.

Android telefondaryna kelgen habarlamda Almatyda 4.5 ball qýatymen sezildi delingen.

«Seısmologııalyq tájirıbe ádistemelik ekspedıtsııasy» MM seısmıkalyq stantsııalar jelisiniń dereginshe, zilzala oshaǵy Almaty qalasynan 33 shaqyrym jerde, shyǵysqa qaraı ornalasqan»,- dep habarlady vedomstvodan.

Sondaı-aq zilzalanyń kúshi Almatyda 3, Talǵarda — 4, Esik qalasynda — 4, Túrgen aýylynda 3, Ótegen batyr aýylynda 3, Boraldaı aýylynda 2, Malovodnoe aýylynda, S. J. Qaıypova aýylynda 2, Alataý qalasynda (Jetigen) 2, Qarasaı qalasynda (Qaskeleń) 2 ball bolǵany aıtylǵan habarlamada.

Osyǵan deıin Qazaq qurylys jáne sáýlet ǵylymı zertteý jáne jobalaý ınstıtýtynyń óndiris jónindegi basqarýshy dırektory, tehnıka ǵylymdarynyń kandıdaty Eraly Shoqbarovtyń «elde qazir salynyp jatqan kópqabatty úıdiń bári qaýipsiz» degen pikirin bergen edik.