Almatylyqtar VIP nómirlerge 2,6 mlrd teńge jumsaǵan

Almatydaǵy arnaıy halyqqa qyzmet kórsetý ortalyqtarynda byltyr 2 697 446 835 teńgege 7 318 VIP nómir berildi. Bul týraly «Azamattarǵa arnalǵan úkimet» memlekettik korporatsııasynyń fılıalynan málim etti, dep habarlaıdy Kazinform.

Sandar men áripterdiń kombınatsııasyna baılanysty VIP-nómirlerdiń baǵasy byltyr 196 650 teńgeden bastaldy. Eń qymbaty 2023 jyly 983 250 teńgege baǵalandy. 

Eń qymbat nómirlerge 001, 002, 003, 004, 005, 006, 007, 008, 009, 777, qoljetimdi ári ádemi nómirlerge 010-090 jáne 077-707 jatady. 

«Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly ótken jyly 996 802 kólik tirkelip, 265 326 júrgizýshi kýáligi berilgenin málimdedi.

Megapolıstegi barlyq HQO 2 861 085 qyzmet kórsetti.

Aıta keteıik, kóliktiń memlekettik nómirlerin onlaın rásimdeýge bolady.