Almatylyqtar «Táýelsizdik» monýmentine gúl shoqtaryn qoıdy
ALMATY. KAZINFORM — Qazaqstan Respýblıkasynyń Táýelsizdik kúnine oraı Almatyda «Táýelsizdik» monýmentine gúl shoqtaryn qoıý rásimi ótti.
Eske alý is-sharasyna Almaty ákimi Darhan Satybaldy, máslıhat depýtattary, Qoǵamdyq keńes pen Qazaqstan halqy Assambleıasynyń ókilderi, 1986 jylǵy Jeltoqsan oqıǵasyna qatysýshylar, etnomádenı birlestikterdiń ókilderi men jastar qatysty.
Jınalǵan qaýym eldiń azattyǵy men táýelsizdigi jolynda janyn qıǵan erlerdiń rýhyna bir mınýt únsizdik jarııalap, taǵzym etti.
Saltanatty rásim Almaty óńirlik garnızonynyń áskerı-rýhty orkestriniń súıemeldeýimen Qazaqstan Respýblıkasynyń Memlekettik ánuranyn oryndaýmen aıaqtaldy.
Eske salaıyq, buǵan deıin Táýelsizdik kúnine oraı Almatynyń Bostandyq aýdanynda Sátbaev pen Jeltoqsan kósheleriniń qıylysynda ornalasqan bıiktigi 200 metr teleradıo habaryn taratatyn munaranyń sáýlettik jaryqtandyrý jobasy tolyq aıaqtalǵanyn habarlaǵanbyz.
Onyń aldynda Almatyda Táýelsizdik kúnine oraı qandaı is-sharalar ótetinin jazǵanbyz.
