Almatylyqtar sý úshin 550 mln teńge qaryz: tólemdi keshiktirý nelikten qaýipti
ALMATY. KAZINFORM — Almatyda sýmen jabdyqtaý jáne káriz qyzmeti úshin turǵyndardyń jalpy bereshegi 550 mln teńgeden asty.
«Almaty Sý» mekemesiniń málimetinshe, kópqabatty úılerdiń turǵyndary shamamen 250 mln teńge, al jeke sektor turǵyndary 300 mln teńgeden astam qaryz bolǵan.
— Kommýnaldyq qyzmet aqysyn ár aıdyń 25-ine deıin tóleý qajet. 26-synan bastap tólem jasalmaǵan jaǵdaıda ósimpul esepteledi. Bereshek uzaq ýaqyt ótelmese, sý berý shektelýi nemese toqtatylýy múmkin. Sondaı-aq qaryz sot arqyly óndirilip, boryshker ósimpul men sot shyǵynyn da óteýge mindetteledi. Sý berýdi shekteýge úsh kún qalǵanda tutynýshyǵa aldyn ala eskertý jasalady, — delingen mekeme habarlamasynda.
Sonymen qatar «Almaty Sý» turǵyndarǵa qosymsha shyǵynǵa ushyrap, bereshekti májbúrli túrde óndirip alý sharalaryna jol bermeý úshin tólemdi tekserip, qaryzdy ýaqytyly óteýge keńes berdi.
Eske salaıyq, úıde nemese páterde qoldanatyn sý úshin qalaı artyq tólemeýge bolatynyn jazǵanbyz.
