Almatylyqtar Respýblıka kúnin qalaı atap ótedi
Almatyda Respýblıka kúnine arnalǵan is-sharalar 20 qazan kúni saǵat 11:00-de Memlekettik qýyrshaq teatryndaǵy «Almaty puppet festival» birinshi halyqaralyq qýyrshaq teatrlary festıvaliniń saltanatty ashylýymen bastalady, dep habarlaıdy Kazinform.
Festıval 24 qazanǵa deıin jalǵasady, jas kórermenderge Qazaqstannyń túkpir-túkpirinen, sonymen qatar, alys-jaqyn shetelderden – Ózbekstan, Polsha, Bolgarııa, Grýzııa, Túrkııadan kelgen teatrlar ujymy óner kórsetedi.
Respýblıka kúni merekesi aıasynda qalada ózge de birqatar shara ótedi:
21 qazan saǵat 10:00 - de qalanyń barlyq aýdanynda eriktiler front keńsesimen birlesken «Jańa Qazaqstan. Taza tabıǵat» ekologııalyq senbiligi ótedi. Senbilik aıasynda qala aýmaǵyn tazartý, rekreatsııalyq aımaqtardy, saıabaqtardy, skverlerdi, aýla aýmaqtaryn jınaý, sonymen birge jappaı aǵash otyrǵyzý josparlanǵan.
23 qazan saǵat 15:00-de «Alataý» dástúrli óner teatrynda dástúrli ánshilerdiń qatysýymen «Baıtaq elim, Qazaqstan» patrıottyq merekelik kontserti ótedi. Sonymen qatar, Jambyl atyndaǵy fılarmonııada etnomádenı birlestik shyǵarmashylyq ujymdarynyń qatysýymen kontsert bolady.
24 qazan saǵat 10:00-de Abaı atyndaǵy Qazaq ulttyq opera jáne balet teatrynda memlekettik nagradalarmen marapattaý rásimi ótedi.
Negizgi merekelik kontsert Respýblıka kúnine oraı saǵat 15:00-de Qazaqstan estradasy juldyzdarynyń qatysýymen Respýblıka saraıynda uıymdastyrylady.
Buǵan qosa, saǵat 17.00-de Qurmanǵazy atyndaǵy konservatorııada oqý ordasynyń jetekshi ujymdary men solısteriniń qatysýymen «Jasaı ber, Qazaq eli» atty saltanatty kontsert bolady.
Respýblıka kúni, 25 qazanda saǵat 11:30-da «Medeý» bıik taýly sport kesheninde memlekettik týdy kóterý jáne Qazaqstan Ánuranyn jappaı oryndaý saltanatty rásimi ótedi.
Іs-sharaǵa qala jastary, qoǵam qaıratkerleri, Almaty qalasy máslıhatynyń depýtattary jáne Qazaqstan halqy Assambleıasynyń ókilderi qatysady.
Sonymen qatar, sol kúni saǵat 11:00-de Jambyl atyndaǵy qalalyq jasóspirimder kitaphanasynda «El órkenin ósirgen azattyq» taqyrybynda kvız jáne «Deklaratsııa –táýelsizdikti bekitýdiń alǵashqy qadamy» atty kórme uıymdastyrý josparda.
25 qazan saǵat 14:00-de Kóktóbe saıabaǵynda «Almaty áýenderi» shyǵarmashylyq ujymynyń qatysýymen «Jasaı ber máńgi – Qazaqstanym» atty merekelik kontsert ótedi.
Osy kúni Qazaq memlekettik tsırkinde saǵat 16:00-de Respýblıka kúnine jáne ataqty kloýn ári sıqyrshy, tsırk ártisi Kárim Mutyrǵanovtyń 70 jyldyǵyna oraı benefıs uıymdastyrylady. Qonaqtarǵa akrobattar, áýe gımnasttary, jonglerler, ekvılıbrıster, ıllıýzıonıster men saıqymazaqtar qatysatyn shoý-baǵdarlama usynylady.
Buǵan qosa, 25 qazanda saǵat 20:00-de Astana alańynda Respýblıka kúnine oraı merekelik otshashý bolady.
