Almatylyqtar nazaryna: Tóle bı kóshesiniń bóliginde eki túnge jabylady
ALMATY. KAZINFORM — Almatyda LRT jobasyn júzege asyrý aıasynda Tóle bı kóshesiniń bir bóliginde kólik qozǵalysy ýaqytsha shekteledi.
Almaty ákimdiginiń málimetinshe, 21 jáne 22 tamyz kúnderi saǵat 23:00–den 06:00–ge deıin ınjenerlik jelilerdi qaıta qurý jumystaryna baılanysty Naýryzbaı batyr kóshesinen Seıfýllın dańǵylyna deıingi aralyqta kólik qozǵalysy tolyǵymen jabylady.
— Jóndeý jumystary júrgiziletin ýchaskede eskertý belgileri ornatylady. Turǵyndardan baǵytyn aldyn ala josparlaýdy suraımyz, — dep habarlady ákimdikten.
Eske salaıyq, Almatyda Muratbaev jáne Jandosov kósheleri birneshe kúnge jabyldy.
