Almatylyqtar metro kireberisindegi uzyn-sonar kezekke shaǵymdandy
ALMATY. KAZINFORM — Almaty metro beketteriniń kireberisinde uzyn-sonar kezek paıda bolatyn bolǵan.
Bul jaǵdaıǵa qala turǵyndary áleýmettik jelide shaǵym bildirdi. Ondaǵy málimetke sáıkes, metro týrnıketterinde QR-kod arqyly ne bank kartalary arqyly jolaqysyn tóleýge bolmaıdy. Biraq buryn atalǵan qyzmetter qoljetimdi bolǵan.
Almaty metropolıteni bul jaǵdaıǵa baılanysty túsinikteme berdi.
— Almaty metrosynda «Ońaı» QR-kody arqyly jolaqyny tóleý pılottyq rejımde júrgizildi. Testileý barysynda QR-kodtardy qabyldaý protsesiniń baıaý júretini anyqtaldy, bul ásirese qarbalas ýaqytta kezektiń paıda bolýyna sebep boldy. Osyǵan baılanysty QR-kod arqyly tólem jasaý fýnktsııasy júıeniń turaqtylyǵyn arttyrý jáne tehnıkalyq jetildirý jumystary aıaqtalǵanǵa deıin ýaqytsha toqtatyldy, — dep habarlady metro ákimshiligi.
Eske salaıyq, buǵan deıin Almaty metrosynda 2026 jyly týrnıketter jańartylatynyn jazǵanbyz. Bul jumystar aıasynda týrnıketter bank kartalary, Apple Pay, Google Pay jáne Samsung Pay arqyly tólem qabyldaı alatyn janaspaıtyn tólem júıesimen jabdyqtalady.