Almatylyqtar Konstıtýtsııasy kúnin velosherýmen toılap jatyr
ALMATY. KAZINFORM – Almatyda Qazaqstan Respýblıkasynyń Konstıtýtsııasy kúnine oraı merekelik velosherý ótti. Sporttyq shara kezinde qala turǵyndary men qonaqtary basty memlekettik merekelerdiń birin toılap qana qoımaı, baǵaly syılyqtar oınatylǵan jarysta baq synady.
«Іs-sharanyń maqsaty salaýatty ómir saltyn nasıhattaý, elimizde velosport mádenıetin damytý, sondaı-aq Konstıtýtsııanyń azamattardyń quqyqtary men bostandyqtaryn qamtamasyz etetin jáne azamattar arasyndaǵy birlikti nyǵaıta túsetin negizgi zań retindegi mańyzdylyǵyna nazar aýdarý boldy», - dep habarlady qalalyq Sport basqarmasynan.
Velosherý saltanatty túrde ashylyp, máre syzyǵynda eki zamanaýı velosıpedtiń júlde utysynyń nómirlerin taratýdan bastaldy. Qalanyń joǵarǵy bóligine jınalǵan 500-den astam áýesqoı jáne kásipqoı sportshylar «Nurly Taý» bıznes ortalyǵynan polıtsııa kólikteriniń súıemeldeýimen Ál-Farabı dańǵyly boıymen júrip ótip, Tuńǵysh Prezıdent saıabaǵyndaǵy velosherýdi aıaqtady. Marshrýttyń jalpy uzyndyǵy 7,7 shaqyrym boldy.
Velosherý nátıjesinde márege birinshi jetken Almaty qalasynyń turǵyndary Konstantın jáne Mıras baǵaly syılyqtarmen marapattaldy.
Eske salaıyq, buǵan deıin Almaty qalasynyń ákimi aldaǵy 3 jylda sport mektepteri jańartylatynyn aıtqan bolatyn.
