Almatylyqtar HQKO-nyń óz-ózine qyzmet kórsetý sektorynda 600 myń qyzmet alǵan
ALMATY. KAZINFORM – Almaty turǵyndary arasynda Halyqqa qyzmet kórsetý ortalyqtarynyń Sonnection point oryndaryna suranys artqan.

«Azamattarǵa arnalǵan úkimet» memlekettik korporatsııasy Almaty fılıalynyń málimetinshe, 2024 jyly Almatyda halyqqa qyzmet kórsetý ortalyǵy men mamandandyrylǵan HQKO arqyly 2 618 541 astam memlekettik qyzmet kórsetildi. Sondaı-aq almatylyqtar 602 000 astam qyzmetti Sonnection point ózine-ózi qyzmet kórsetý sektorlary arqyly alǵan.
Eń kóp suranysqa ıe qyzmetterdiń alǵashqy úshtigine kelesi memlekettik qyzmetter kirdi: kólik quraldaryn tirkeý, jeke kýálik nemese tólqujat alý, sondaı-aq ETsQ alý men ony qaıtaryp alý.
– Memlekettik korporatsııa árdaıym tutynýshylardyń jaılylyǵy men yńǵaılylyǵyna basymdyq beredi. Biz óz qyzmetterimizdi qoljetimdi jáne yńǵaıly etý úshin olardy únemi damytyp, jetildirip otyramyz. Bizdiń maqsatymyz – barlyq protsestiń ashyq ári qaýipsiz ekenine kepildik berý arqyly árbir adamǵa qyzmet alý múmkindigin qamtamasyz etý, - deıdi «Azamattarǵa arnalǵan úkimet» memlekettik korporatsııa basqarma tóraǵasynyń orynbasary Aıbat Іlııasov.
Eske salaıyq, endi júrgizýshi kýáligin alý úshin emtıhanǵa tek «HQKO» qosymshasynan jazylý kerek.