Almatylyqtar emhanaǵa qaralý úshin talon tappaı qınalyp júr

ALMATY. KAZINFORM — Almatylyqtar qala basshysyna ambýlatorııalyq emhanalarda jalpy praktıka dárigeri terapevtke de qarala almaı jatqandaryn aıtyp, shaǵymdandy. Sebebi talon joq.

Qala ákimi Erbolat Dosaevtyń Alataý aýdany turǵyndarymen kezdesýi barysynda, almatylyqtar emhanaǵa qaralý máselesin kóterdi.

Aıtýlarynsha, Alataý aýdanynda ornalasqan №29 emhanaǵa qaralý múmkin emes. Dárigerge kirý úshin beriletin talon joq. Tez taýsylyp qalady.

Erbolat Dosaev qalalyq densaýlyq saqtaý basqarmasynyń basshysy Ásııa Aqanova men aýdan ákimi Talǵat Malybaevqa jaǵdaıdy baqylaýǵa alýdy tapsyrdy.

— № 29 emhanany tekserip shyǵyńyzdar.Talondy alý, tirkeý bólimi qalaı jumys isteıdi, shaǵym túsip jatyr. Birinshi mamyrǵa deıin máseleni sheshińizder. Eger emhana basshysy jumysyn isteı almasa, aýystyraıyq, — dedi Erbrolat Dosaev.

Eske salaıyq, Almatyda osy jyly 120-dan astam áleýmettik nysandy qaıta jańartý jáne salý josparda. Onyń keıbiriniń quny mıllıardtaǵan teńgege baǵalanyp otyr.