Almatylyqtar Birlik kúnin toılap jatyr
ALMATY. KAZINFORM – Ońtústik astanalyqtar Qazaqstan halqynyń birligi kúnin toılap jatyr. Respýblıka saraıynyń aldynda qaıyrymdylyq jármeńkesi men gastro-festıval uıymdastyryldy. 10-nan astam tanymal meıramhana qazaq, túrik, ózbek, koreı, nemis, qytaı, grýzın, orys, armıan, uıǵyr ulttarynyń ulttyq taǵamdaryn usyndy.
Abaı alańyna halyq kóp jınaldy. Kóńilderi kóterińki, bir-birin quttyqtap jatyr. Árbir ult óziniń mádenıetinen syr shertetin kórme usyndy.
Tanymal shyǵarmashylyq ujymdar men etnomádenı birlestikterdiń kontserttik baǵdarlamasy merekeniń ajaryn asha tústi.
Sahnada «Agýgaı» ansambli, «Dervıshı» toby, Anjelıka Shaǵarova, «Naırı» ansambli, Abbos Qasymov ansambli ABBOS (Ózbekstan), Sıtora Nazarova, «Qazan nurlary» ansambli (Tatarstan), Rýmı men ıAnıs, «Bahar» kavkaz bı ansambli, «Elaman» dýeti (Qyrǵyzstan), Roman Kım, «Nam Son» ansambli men «MýzArt» toby óner kórsetti.
Sonymen qatar, shara barysynda qaıyrymdylyq jármeńkesi men gastro festıval ótti. 10-nan astam restorator qazaq, túrik, ózbek, koreı, nemis, qytaı, grýzın, orys, armıan, uıǵyr ashanasynyń ulttyq taǵamdaryn usyndy.
Túsken qarajat sý tasqyny saldaryn joıý maqsatyna «Demeý Qazaqstan qory» korporatıvtik qoryna aýdarylady.
Aıta keteıik, Qazaqstan halqynyń birligi kúninine arnalǵan is-sharalar qalanyń barlyq aýdanynda ótip jatyr.
