Almatylyqtar bir aıda 20 myńnan astam kımeıtin kıim ótkizdi
ALMATY. KAZINFORM – Qalalyq ortany jaqsartýǵa jáne qaldyqtardy turaqty óńdeýge baǵyttalǵan jańa joba iske qosyldy.
«Taza Qazaqstan» respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda júzege asyp jatqan joba toqyma qaldyqtaryn jınaý, suryptaý jáne qaıta óńdeýge baǵyttalǵan.
Qazir qalada 18 arnaýly konteıner ornatyldy, jaqynda taǵy 22-si ornatylmaq. Bolashaqta jobanyń qamtý aýqymy Almatynyń basqa aýdandaryna da keńeıtiledi. Qazirdiń ózinde 20 myń keliden astam toqyma jınaldy. Ol suryptalyp, qala aýmaǵynda qaıta óńdeledi.
– Bul materıaldardan ónerkásipte qoldanylatyn qaıta óńdelgen talshyq pen súrtý shúberekteri jasalady. Sonymen qatar jınalǵan kıimniń shamamen 13%-y qaıyrymdylyq uıymdaryna beriledi, sebebi olar áli de kııýge jaramdy.Ekologııalyq baǵalaýlar boıynsha jınalǵan kólemdi qaıta óńdeý 74 myń keliden astam CO₂ ekvıvalentiniń aýaǵa taralýyn boldyrmaýǵa múmkindik beredi – bul mólsherdegi kómirqyshqyl gazyn bir jylda 3 730-dan astam aǵash sińire alady, - dep habarlady ákimdikten.
Buǵan deıin Kazinform agenttigi Úkimet qabyldaǵan «Taza Qazaqstan» ekologııalyq mádenıetti damytý tujyrymdamasyna analıtıkalyq sholý jasaǵan edi.
Byltyr el aýmaǵynda 1,6 mln túp aǵash egildi.