Almatylyqtar 2024 jyly donor retinde 15 myń lıtr qan tapsyrdy

ALMATY. KAZINFORM — Almaty qalalyq qan ortalyǵy qan ótkizý sany boıynsha Astana qalasyndaǵy Transfýzıologııa ǵylymı-óndiristik ortalyǵynan (ǴÓO) jáne Shymkenttegi qan ortalyǵynan keıin úshinshi orynda.

Almaty qalalyq qan ortalyǵynyń dırektory Jandos Nadırovtyń aıtýynsha, byltyr bir jyl ishinde 15 659 lıtr donorlyq qan daıyndalǵan jáne 38607 doza qan komponentteri berildi. Nátıjesinde qan komponentterin 8665 patsıent alǵan, al transfýzııalardyń (qan quıý) jalpy sany 37347-ge jetken.

— Jumystyń mańyzdy bóligi jyljymaly konteınerlermen baryp qan tapsyrý boldy, olar jalpy alynǵan qannyń 38,1%-y boldy. Mundaı is-sharalar áskerı bólimderde, jeke jáne memlekettik uıymdarda ótkizildi, — dedi ol.

Sondaı-aq Jandos Nadırov donorlardyń 70%- almatylyqtar, al qalǵan 30%-y oblys turǵyndary ekenin atap ótti. Qan donorlarynyń kópshiligi 18 ben 35 jas aralyǵyndaǵy azamattar.

Eske salaıyq, buǵan deıin Aqtaý garnızonynyń áskerı qyzmetshileri ushaq apatynan zardap shekken jolaýshylarǵa qan tapsyrǵanyn jazǵanbyz.