Almatylyqtar 10 túpke deıin tegin kóshet ala alady
ALMATY. KAZINFORM — 2 qarashadan bastap Almaty turǵyndary «Jasyl aýla» aktsııasy aıasynda 10 túpke deıin japyraqty aǵash kóshetin tegin alýǵa ótinim bere alady.
Almaty qalasy Ekologııa jáne qorshaǵan orta basqarmasynyń málimetinshe, kóshetter kópqabatty turǵyn úılerdiń aýlasyn jáne basqa da qoǵamdyq aýmaqtardy kógaldandyrýǵa arnalǵan. Aktsııaǵa qatysýshylar egilgen aǵashtarǵa úsh jyl boıy kútim jasaý mindettemesin alýǵa tıis.
Ótinim 2026 jyly 2-15 qarasha aralyǵynda [email protected] elektrondyq poshtasy arqyly qabyldanady. Aktsııaǵa qatysý úshin ótinimde aty-jónin, baılanys derekterin, aǵash egiletin jerdiń naqty mekenjaıyn jáne qajetti kóshetter sanyn kórsetý qajet. Sondaı-aq mamandar otyrǵyzý ornyn baǵalaı alýy úshin tańdalǵan aýmaqtyń birneshe fotosýretin, múmkindiginshe panoramalyq túsirilimderin qosa tirkeý kerek. Fotosýreti joq ótinim qaralmaıdy.
— Kóshetterdi taratý 21-22 qarasha kúnderi Tájibaev kóshesi, 155a mekenjaıynda josparlanǵan. Aǵashtardy otyrǵyzǵannan keıin qatysýshylar egilgen kóshetter týraly fotoesep joldaýy qajet. Aktsııa jeke turǵyn úı qurylysy aýmaqtaryndaǵy úılerdiń turǵyndaryna, sondaı-aq zańdy tulǵalarǵa arnalmaǵan, — dep habarlady basqarmadan.
Eske salaıyq, Qazaqstan sándik kóshet óndirisin damytyp, ımportqa táýeldilikti azaıtpaq.
