Almatylyq TJD mamandary Іle Alataýynda qıyndyqqa tap bolǵan úsh týrısti qutqardy
ALMATY. KAZINFORM – Almatylyq TJD mamandary Іle Alataýynda qıyndyqqa tap bolǵan úsh týrısti qutqarǵandaryn málimdedi.
«Іle Alataýynyń Kishi Almaty shatqalynda 21-22 jas aralyǵyndaǵy eki týrıst Panorama taý shyńyna kóterilgen. Aýa raıyn aldyn ala kórip almaǵannan, qatty daýyl astynda qalyp tıisti ýaqytqa deıin túse almady.
QR TJM RJQJ qutqarýshylary joǵalǵan er azamattardy «Panorama» qutqarý lashyǵynan taýyp, Almaty qalasyna aman-esen túsirdi», — dep jazdy vedomstvodan.
Sol sııaqty, 23 tamyzda Іle Alataýy Qarǵaly ózeniniń boıynda Úshqońyr jáne Jaılaý shatqaldarynyń arasynda 3 adam demalyp júrgen. Olardyń bireýi, 1991 jyly týǵan er adam ózen boıymen joǵary kóterilýge bel baılap, qaıta oralmaǵan. Kelesi kúni dostary qutqarýshylardyń kómegine júgindi.
QR TJM Respýblıkalyq jedel-qutqarý jasaǵynyń toby oqıǵa ornyna kelip, táýliktiń qarańǵy ýaqytyna jáne daýyldy jelge qaramastan týrısti izdestirýge kiristi. 25-tamyzǵa qaraǵan túni 12 saǵattyq izdestirý jumystarynan keıin qutqarýshylar er adamdy tapty.
Týrısterdiń eshqaısysy medıtsınalyq kómekke muqtaj bolmady.
