Almatylyq stýdentter jer silkinisi kezinde úreısiz is-áreket jasaýdy úıretetin sımýlıator jasady
ALMATY. KAZINFORM - Qanysh Sátbaev atyndaǵy ýnıversıtet stýdentteri Tótenshe jaǵdaılar departamentine 7 balǵa deıingi kóldeneń jáne tik jer silkinisin ımıtatsııalaıtyn mobıldi jer silkinisi sımýlıatoryn ázirledi.
Ázirlengen mobıldi trenajer jer terbelisin shynaıy túrde ornatyp halyqqa jer silkinisi kezindegi úreısiz, naqty durys is-áreketterge jasaýdy úıretedi.
«Kóldeneń jáne tik jer terbelisinde kezinde qandaı is-qımylmen den qoıýǵa bolady. Ǵımarat qısaıǵan kezde adam keńistiktegi baǵdaryn abdyrap qalyp, ne isterin bilmeı qalady. Qıyn jaǵdaıda ózińizge jáne jaqyndaryńyzǵa kómektesý úshin bul qubylysty ózińiz sezinýińiz qajet», - dedi Almaty qalalyq TJD bastyǵy Nurlan Atyǵaev.
Sımýlıator Tótenshe jaǵdaılar departamentiniń qalalyq oqytý kýrstarynda jáne Almaty qalasy boıynsha kóshpeli sabaqtarda qoldanylatyn bolady. Osylaısha halyqqa tótenshe jaǵdaıdaǵy minez-qulyq daǵdylaryn mashyqtaıdy.
Aıta keteıik, jer silkinisi trenajeri Tótenshe jaǵdaılar departamentine tegin berildi.
Buǵan deıin jer astyndaǵy seısmıkalyq datchıkterdiń jumysy týraly jazǵan bolatynbyz.
