Almatylyq stýdentter Frantsııadaǵy WorldSkills halyqaralyq chempıonatynda úzdik atandy

ALMATY. KAZINFORM - Almatylyq kolledj stýdentteri tarıhta tuńǵysh ret Frantsııanyń Lıon qalasynda ótken 47-shi WorldSkills halyqaralyq chempıonatynda 7 medalon jeńip alyp, jetistikke jetti. Bizdiń elimizdiń namysyn 30 quzyrettilik boıynsha 32 qatysýshy jáne 30 halyqaralyq sarapshy qorǵady.

Sonyń ishinde, Almaty qurylys-tehnıkalyq kolledjiniń stýdenti Mıhaıl Popov «Qurǵaq qurylys jáne sylaq jumystary» quzyrettiligi boıynsha úzdik dep tanylsa, Almaty qalasy «Ádilet» kolledjiniń stýdenti Janel Saǵyndyq «Qonaq úı resepshıonısti» quzyrettiligi boıynsha top jardy.

Sonymen qatar «Ulttaǵy úzdik» nomınatsııasy boıynsha birqatar qazaqstandyq stýdent úzdik atandy:

Rýslan ıÝsýpov – Oral aqparattyq tehnologııalar kolledjiniń stýdenti – «Veb-tehnologııalar»;

Áıgerim Dosova – Shymkent qalasynyń jeńil ónerkásip jáne servıs kolledji – «Sán tehnologııasy»;

Danııar Ábikenov – Qostanaı avtomobıl kóligi kolledjiniń stýdenti – «Jelilik jáne júıelik ákimshilendirý»;

Tımýr Babenko men Elnar Jýasbaev – Semeı qalasynyń Radıotehnıka jáne baılanys kolledjiniń stýdentteri — «Mobıldi robototehnıka»;

Artýr Leıman – Pavlodar servıs jáne tamaqtaný kolledjiniń stýdenti – «Meıramhana servısi».

Aıta ketken jón, WorldSkills International - 25 jasqa deıingi jas mamandardyń kásibı daǵdylaryn anyqtaýǵa jáne damytýǵa baǵyttalǵan iri halyqaralyq jarys. WorldSkills Lyon 2024 halyqaralyq kásibı sheberlik chempıonatyna 69 elden 1500-ge jýyq kolledj stýdenti qatysty.

Eske salaıyq, 2023 jyly Qazaqstan quramasy Gdansk qalasynda ótken EuroSkills chempıonatynda alǵash ret 2 medal jáne 4 medalon jeńip aldy.