Almatylyq polıtseılerge jańa kólik berildi
Jańa jyl qarsańynda almatylyq tártip saqshylaryna 14 birlik «JAC» avtokóliginiń kiltteri tabystaldy, dep habarlaıdy Kazinform.
«Bul kólikter ákimshilik aýmaqtary taýly, qıyn jerlerde ornalasqan aýdandyq polıtsııa basqarmalarynyń kezekshi bólimsheleri men ýchaskelik ınspektorlarǵa tapsyryldy. Qyzmettik jol talǵamaıtyn kólikter tártipti saqtaýdy, sondaı-aq jedel-izdestirý toptary men ýchaskelik polıtsııa qyzmetkerleriniń úzdiksiz jumys isteýin qamtamasyz etý úshin barlyq qajetti quraldarmen jabdyqtalǵan», - dedi Almaty qalalyq polıtsııa departamentiniń bastyǵy, polıtsııa general-maıory Arystanǵanı Zapparov.
Aıta keteıik, Almaty polıtsııasynyń avtoparki qalalyq ákimdiktiń qoldaýymen jańartyldy.
«Búgingi tańda Almaty qalalyq polıtsııa departamentiniń qyzmetteri men bólimsheleriniń avtoparki 90%-ǵa jaraqtalǵan. Qala polıtseıleri jańa kólikterdi sońǵy ret ótken jyldyń sońynda alǵan», - dep habarlady qalalyq polıtsııa departamentiniń baspasóz qyzmeti.
