Almatylyq oqýshylardyń qala syrtyndaǵy jazǵy demalysy bastaldy
ALMATY. KAZINFORM — 20 maýsymnan bastap qala syrtyndaǵy jazǵy saýyqtyrý lagerine almatylyq oqýshylardyń alǵashqy legi attandy.
Almaty qalasynyń Bilim basqarmasy erekshe bilim berýdi qajet etetin 100 balany «Baldáýren» balalar lagerine 10 kúnge saýyqtyrý demalysyna jiberdi. Lager Qapshaǵaı sý qoımasynyń ádemi soltústik jaǵalaýynda ornalasqan.
Balalardyń demalysyn qyzyqty ótkizýi, túrli is-sharalarǵa qatysýy jáne jańa dostar tabýy úshin barlyq jaǵdaı jasalǵan. Pedagogıkalyq bilim men medıtsına qyzmetkerleri bar arnaıy daıyndalǵan keńesshiler balalardyń qaýipsiz jáne jaıly turýyn qamtamasyz etýge daıyn.
«Bıyl qaýipsizdikti barynsha qamtamasyz etý úshin balalar lagerlerinde baqylaý kúsheıtildi. «Baldáýren» lagerinde qatań sanıtarlyq baqylaý, aýmaqtyń qaýipsizdigin arttyrý jáne balalardy júıeli túrde medıtsınalyq tekserýden ótkizý sııaqty qosymsha sharalar engizildi», - deıdi Almaty qalalyq Qoǵamdyq keńes múshesi Rafael Gasanov.
Sarapshylardyń aıtýynsha, bul balalardyń jazǵy demalysyn barynsha qaýipsiz jáne eń qolaıly ortada ótkizýin qamtamasyz etedi.
Almatyda bıyl 266 myń saýyqtyrý jáne jumyspen qamtý syndy eki baǵytta jazǵy demalyspen qamtylady.
Onyń ishinde 3 myńnan astam bala qala syrtyndaǵy jazǵy saýyqtyrý lagerlerinde demalatyn bolady.
Osyǵan deıin Almatyda mektep janyndaǵy lagerlerge 300 mln teńge bólingeni týraly jazǵan edik.
