Almatylyq oqýshylar qala syrtyndaǵy lagerlerde qalaı demalyp jatyr
ALMATY. KAZINFORM – Bıyl Almatyda halyqtyń áleýmettik osal toptarynan 3 myńǵa jýyq bala, jetim balalar, sondaı-aq ata-anasynyń qamqorlyǵynsyz qalǵan jetkinshekter qala syrtyndaǵy jazǵy saýyqtyrý lagerlerinde demalady.
Almaty ákimdigi málim etkendeı, 20 maýsymnan beri «Januıa» mamandandyrylǵan kesheniniń erekshe bilim berý qajettilikteri bar 100 bala jáne Bostandyq aýdanynyń mektepterinen 15 oqýshy Qonaev qalasyndaǵy «Baldáýren» lagerinde demalyp jatyr.
Atalǵan demalys orny - Qapshaǵaı sý qoımasynyń soltústik jaǵalaýynda oranalasqan.
«Sondaı-aq, Jetisý aýdanynyń mektepterinen 76 bala jáne Medeý aýdanynan 155 bala Avat kids camp lagerine jiberildi. Túrksib aýdanynan kelgen 263 bala Qonaev qalasyndaǵy Jellyfish Camp lagerinde. Buǵan qosa, 7 shildede «Januıa» mamandandyrylǵan kesheni tárbıelenýshileriniń 80 balasy jáne «Meıirim» ómirlik qıyn jaǵdaıdaǵy balalardy qoldaý ortalyǵynyń 12 balasy Avat kids camp lagerine bardy»,- dep atap ótti ákimdikten.
Qalǵan balalardyń kelýi keste boıynsha tamyz aıynyń sońyna deıin júzege asyrylady.
Bıyl Almatyda 266 myń balany demalyspen jáne jumyspen qamtý josparda. Saýyqtyrý demalysymen jetim balalardyń, erekshe bilim berý qajettilikteri bar ata-anasynyń qamqorlyǵynsyz qalǵan balalardyń, sondaı-aq az qamtylǵan jáne kópbalaly otbasylardyń balalary 100% qamtylatyn bolady.
Oqýshylar saraıynyń «Órnek» lagerinde 3 maýsymda 900 bala demala alady. Bular - «Januıa» mamandandyrylǵan keshenniń tárbıelenýshileri, halyqtyń áleýmettik osal toptarynyń balalary, sondaı-aq konkýrstar men jarystardyń jeńimpazdary.
Osyǵan deıin Almatydaǵy 12 lagerdiń tórteýi ǵana jumys isteıtini týraly jazǵan edik.
