Almatylyq oqýshylar halyqaralyq robototehnıka chempıonatynda jeńimpaz atandy
ALMATY. KAZINFORM — Almatylyq oqýshylar Qytaıda ótken robototehnıkadan halyqaralyq chempıonatta júldeli oryndarǵa ıe boldy.
Gýanchjoýda robototehnıka boıynsha China FTC Guangzhou Offseason Event halyqaralyq chempıonaty ótti.
Jarysqa 200-den astam oqýshy qatysty, onyń ishinde Qazaqstannan kelgen eki komanda da úzdik nátıjıe kórsetti.
Almaty qalasyndaǵy hımııa-bıologııalyq baǵyttaǵy Nazarbaev Zııatkerlik mektebiniń «PID»komandasy Motivate Award syılyǵyn jeńip aldy.
Komanda quramynda 10 jáne 12 synyp oqýshylary: Asylbek Qanybekuly, Qanat Parpıev, Nurqasym Hafız, Arsen Omarov, Arlan Qosan, AıanatTumatova, Aısulý Qydyralyqyzy, Álı Eltaı, Mıras Beketbaı jáne Oljas Amankeldın bar.
Sonymen qosa, Bilim-Innovatsııa lıtseıiniń «Queue» komandasy Perseverance Award syılyǵymen marapattaldy.
Komandada 10 jáne 11 synyp oqýshylary — Asker Ersaı, Ertalap Ádilhan, Ersultan Mels, Manas Esenuly jáneAldııar Ihsanov óner kórsetti.
«Eki qazaqstandyq komandanyń jetistikteri olardyń halyqaralyq arenada básekege túsýgedaıyn qabiletin kórsetedi. Bizdiń balalar chempıonattyń eki kúninde de kóshbasshylar qatarynda boldy. Biz balalarymyzdy marapattarymen quttyqtaımyz», — dep bólisti Almaty qalasy Bilim basqarmasynyń «Almaty daryn» ortalyǵynyń dırektory Gúlnur Kárimǵajy.
Esterińizge sala keteıik, komandalar Qazaqstan Respýblıkasy Oqý-aǵartý mınıstrliginiń qoldaýymen Ortalyq Azııa chempıonaty barysynda Qytaı chempıonatyna joldama aldy.
Chempıonattaǵy jeńis oqýshylarǵa álemdik joǵary oqý oryndaryndaǵy granttarǵa qoljetkizýge múmkindik beredi.
