Almatylyq oqýshylar arasynda ekologııalyq chellendj bastaldy
ALMATY. KAZINFORM - Almaty qalasynda balalar men jasóspirimderdiń ekologııalyq mádenıetin arttyrýǵa, qorshaǵan ortaǵa jaýapkershilikpen qaraýdy qalyptastyrýǵa jáne tsıfrlyq shyǵarmashylyq daǵdylardy damytýǵa baǵyttalǵan «Taza Qazaqstan» baǵdarlamasy aıasynda jalpy qalalyq ekologııalyq chellendj bastaldy.
Qala oqýshylary arasynda ekologııalyq aǵartýshylyqty kúsheıtý maqsatynda elektrondy ekologııalyq ashyqhattar jasaýǵa arnalǵan «Ekologııalyq kaleıdoskop» jalpy qalalyq onlaın-chellendji ótkizilýde. Bastamaǵa Almaty qalasyndaǵy bilim berý uıymdarynyń 1-11 synyp oqýshylary qatysýda.
Chellendjdiń negizgi maqsaty – bilim alýshylardyń ekologııalyq jaýapkershiligin qalyptastyrý, ekologııalyq saýattylyq deńgeıin arttyrý, tsıfrlyq jáne shyǵarmashylyq quzyretterin damytý, sondaı-aq tabıǵatty qorǵaý ıdeıalaryn keńinen nasıhattaý.
Chellendj aıasynda oqýshylardyń qorshaǵan ortany qorǵaý jáne tabıǵı resýrstardy saqtaý máselelerine nazaryn aýdarý, olardyń kreatıvti jáne tsıfrlyq daǵdylaryn damytý, ekologııalyq jaýapty minez-qulyqty ilgeriletý mindetteri júzege asyrylmaq.
Qatysýshylar grafıka, kollaj jáne anımatsııa formattarynda elektrondy ekologııalyq ashyqhattar daıyndaıdy. Jumystarda qorshaǵan ortany qorǵaý, tabıǵı resýrstardy saqtaý, qaldyqtardy bólek jınaý, sý men energııany únemdeý, sondaı-aq «Taza qala – qaýipsiz bolashaq» tujyrymdamasy sııaqty taqyryptyq baǵyttar qamtylady.
Chellendj birneshe kezeńnen turady. Aqparattyq kezeńde bilim berý uıymdarynda qatysý sharttary túsindiriledi. Shyǵarmashylyq kezeńde oqýshylar elektrondy ekologııalyq ashyqhattar ázirleıdi. Chellendj-estafeta kezeńinde daıyn jumystar áleýmettik jelilerde #EkologııalyqKaleıdoskop, #EkoAlmaty, #TazaQazaqstan heshtegterimen jarııalanady. Qorytyndy kezeńde eń belsendi qatysýshylar men úzdik jumystardyń avtorlary marapattalady.
Atalǵan chellendjdi ótkizý oqýshylardyń ekologııalyq sanasyn arttyrýǵa, shyǵarmashylyq áleýetin damytýǵa jáne qorshaǵan ortaǵa jaýapty qarym-qatynas mádenıetin qalyptastyrýǵa yqpal etedi.
Aıta keteıik, Almatyda ekologııalyq shekteýleri bar aımaq belgilendi.