Aqtóbede qorshaǵan ortany lastaǵan kompanııaǵa 1,2 mlrd teńge aıyppul salyndy

ASTANA. KAZINFORM - Tabıǵat qorǵaý prokýratýrasynyń tapsyrmasy boıynsha Aqtóbe oblystyq ekologııa departamenti «Intergaz Ortalyq Azııa» AQ-y fılıalynyń qyzmetine tekserý júrgizdi, dep habarlaıdy oblystyq prokýratýranyń baspasóz qyzmeti.

Tekserý barysynda, Shalqar aýdanyndaǵy Bozoı jerasty gaz qoımasynda eki uńǵyma mindetti ekologııalyq ruqsatsyz burǵylanǵany anyqtaldy. 

Zańǵa sáıkes, atmosferaǵa shyǵaryndylardy shyǵarý jáne óndiristik qaldyqtardy ornalastyrýda qorshaǵan ortaǵa emıssııalar úshin arnaıy ruqsat qajet. 

Ruqsatsyz emıssııalar normatıvten joǵary dep tanylady jáne belgilengen lımıtten artyq jınaqtalǵan nemese kómilgen qaldyqtardyń kólemine qatysty on myń paıyzy mólsherinde aıyppul sala otyryp, ákimshilik jaýapkershilikke ákep soǵady.

Tekserý qorytyndysymen kompanııaǵa qatysty 1,2 mlrd teńge aıyppul salý jóninde 4 ákimshilik materıal tirkeldi.

Onyń ishinde 20 mln teńge kólemindegi aıyppuldy kásiporyn erikti túrde tólep, qalǵan 1,1 mlrd teńgeden astam soma boıynsha sotqa shaǵymdandy.

Búgingi tańda kompanııa 20 mıllıon teńge aıyppuldy óz erkimen tólep, qalǵan 1,1 mlrd teńgeden astam somaǵa qatysty sotqa shaǵym túsirdi.

- Birinshi jáne apellıatsııalyq satylardaǵy sot sheshimderimen aıyppul salý týraly qaýlylar kúshinde qaldyryldy. Zańǵa sáıkes, kompanııa bir aı ishinde 1,1 mlrd teńge kóleminde aıyppuldyń qalǵan somasyn tóleýge mindetti. Aıyppuldar belgilengen merzimde tólenbegen jaǵdaıda, májbúrlep óndirip alý kózdelgen,-delingen habarlamada.

Osyǵan deıin ondaǵan adamǵa nesıe rásimdetken aqtóbelik emshi jazasyn eki jyldan soń óteıtini týraly jazdyq.