Almatylyq qutqarýshylar turǵyndarǵa taýǵa shyqpaýǵa keńes berdi
ALMATY. KAZINFORM – Aýa raıynyń nasharlaýyna baılanysty Tótenshe jaǵdaılar departamenti turǵyndarǵa taýǵa shyqpaýǵa keńes berdi.
«26-27 qyrkúıek kúnderi nóser jańbyr jaýyp, taýly ózenderde sý deńgeıi kóteriledi. Almaty qalasynyń aýmaǵyna irgeles taý bókteri men aýdandarda, sý tasqyny bolýy múmkin. Osyǵan baılanysty qala qonaqtary men turǵyndardy taýǵa shyqpaýǵa shaqyramyz», - dep habarlady qalalyq Tótenshe jaǵdaılar departamentinen.
Sondaı-aq 112 qyzmetiniń SMS-habarlamalary men BAQ-taǵy aqparatqa salǵyrt qaramaýǵa keńes berildi.
Osyǵan deıin sınoptıkter 26 qyrkúıekte Batys Qazaqstanda 2 gradýs aıaz bolatyny týraly eskertken edi.
«Soltústik-batys antıtsıklon jyrasy QR kóp bóligine kóbinese jaýyn-shashynsyz, salqyn aýa raıyn ákeledi. Tek elimizdiń ońtústiginde, ońtústik-shyǵysynda atmosferalyq frontaldy bólimderdiń áserinen naızaǵaımen jańbyr, jekelegen aýdandarda qatty jańbyr jaýady. Taýly aımaqtarda da jaýyn-shashyn, keı ýaqyttarda qar aralas jańbyr jaýady. Respýblıka boıynsha jel kúsheıedi, túngi jáne tańerteńgi ýaqytta tuman túsedi», - delingen Qazgıdromet taratqan aqparatta.
