Almatylyq qutqarýshylar taýda aıaǵyn jaraqattap alǵan áıeldi evakýatsııalady

ASTANA. KAZINFORM – Almatyda qutqarýshylar aıaǵynan jaraqat alǵan áıeldi taýdan evakýatsııalady, dep habarlaıdy Tótenshe jaǵdaılar mınıstrliginiń baspasóz qyzmeti.

Vedomstvo málimetinshe, oqıǵa «Prohodnoe» shatqalynda bolǵan. 1975 jyly týǵan áıel taýdan tómen túsip kele jatyp, aıaǵyn jaraqattap, ózdiginen qozǵala almaı qalǵan.

- Oqıǵa ornyna jedel túrde «BAÝ» jedel-qutqarý jasaǵynyń mamandary jetip, zardap shegýshige alǵashqy medıtsınalyq kómek kórsetken. Keıin ol «Kosmostantsııa» aýmaǵyna deıin jetkizilip, jedel medıtsınalyq járdem qyzmetine tabystaldy. Áıel №12 qalalyq klınıkalyq aýrýhanaǵa jetkizildi, - dep jazdy TJM baspasóz qyzmetinen.

TJM azamattarǵa taýǵa shyǵar aldynda jeke tájirıbesi men fızıkalyq múmkindikterin eskerip, marshrýtty aldyn ala josparlaý qajettigin eskertedi.

Aıta keteıik, Úshqońyr taýlaryndaǵy iri tabıǵı órt sóndirildi.