Almatylyq qutqarýshylar Rojdestvo kezinde qaýipsizdikti kúsheıtti
ALMATY. KAZINFORM — 6 qańtardan 7 qańtarǵa qaraǵan túni qala aýmaǵyndaǵy 13 nysanda qutqarýshylar men órt sóndirýshiler kezekshilik etedi.
Almaty tótenshe jaǵdaılar departamenti Memlekettik órt baqylaý basqarmasy bastyǵynyń orynbasary Erkebulan Jumataevtyń aıtýynsha, qyzmetkerler barlyq nysandy aldyn ala tekserip shyǵyp, nusqaýlyq jumystaryn júrgizdi.
Ár aýdandyq bólimshe óz aýmaǵynda órt qaýipsizdigin qamtamasyz etip, adam kóp jınalatyn jerlerde tártip pen qaýipsizdik talaptarynyń saqtalýyn baqylaýda ustaıdy.
Departament azamattardy dinı rásim ótetin nysandardy aralaý kezinde qaýipsizdikti barynsha saqtaýǵa shaqyrady:
• ashyq ot qoldanylatyn sham ustaǵyshtardy, shamdar men basqa da quraldardy janbaıtyndaı etip, ornyqty kúıde ornatý;
• ashyq otty árleý materıaldarynan, ıntererden, kıim-keshek pen janǵysh zattardan keminde 0,5 metrdeı aýlaq paıdalaný;
• shyny kolbalary zaqymdalǵan shamdardy qoldanbaý jáne olardy janǵysh suıyqtyqtardy paıdalanbaı quıý;
• ǵıbadat zalynyń syıymdylyǵyn olardyń aýdany men evakýatsııalaý joldarynyń ótkizý qabiletin eskere otyryp shekteý;
• qarsy baǵyttaǵy adamdar aǵyny qıylyspaıtyndaı etip kelýshilerdiń qozǵalysyn uıymdastyrý.
— Merekeler tynysh ári qaýipsiz ótýi úshin bar kúshimizdi saldyq, — deıdi departament ókili.
Eske salaıyq, buǵan deıin Almatyda Jańa jyl túni pırotehnıkadan 20 adam zardap shekkenin jazǵan edik.