Almatylyq qutqarýshylar bir túnde 100-ge jýyq adamdy qutqardy

ALMATY. KAZINFORM — Almaty oblysynda qar qursaýynda qalǵan turǵyndar qutqaryldy. Bul týraly TJM baspasóz qyzmeti habarlady.

— Búgin túnde Eńbekshiqazaq jáne Іle aýdandarynyń jabyq jol ýchaskelerinde boran men shekteýli kóriný jaǵdaıynda TJM qutqarýshylary qar qursaýynda qalǵan azamattardy evakýatsııalaý boıynsha avarııalyq-qutqarý jumystaryn júrgizdi, — delingen habarlamada.  

Eńbekshiqazaq aýdanynda Kosmos — Bazarkeldi, Qyrbaltabaı — Aqjal jáne Bólek — BAK avtojoly baǵyttarynda TJM qutqarýshylary 45 adamdy, sonymen qatar 20 jeńil kólikti jáne bir júk kóligin evakýatsııalady.

Іle aýdanynda Qonaev — Qurty tas jolynda qar qursaýynda qalǵan 43 adam (onyń bireýi bala) jáne 20 jeńil avtokólik qutqaryldy. Barlyq azamattar qaýipsiz jerge jetkizildi.

Sondaı-aq qutqarýshylar Qyrbaltabaı jáne Qaınar aýyldarynyń arasynda jeńil kólikpen jol jıegine shyǵyp ketken júrgizýshige kómek kórsetti. Qar qyrsaýynda qalǵan er adam jedel járdem brıgadasyna tapsyryldy.

Eske salaıyq Aqtóbede qutqarýshylar dalada qalǵan 53 adamdy evakýatsııalady.