Almatylyq qutqarýshylar aldaǵy kúnderi taýǵa shyqpaý kerektigin eskertti

ALMATY. KAZINFORM – Almatylyq qutqarýshylar qala turǵyndary men qonaqtaryn aldaǵy kúnderi taýǵa shyqpaýǵa shaqyrdy.

– Jylymyqtyń áserinen qar jamylǵysy turaqsyz. Osyǵan baılanysty 9-11 sáýir aralyǵynda taýlarda qar kóshkinini qaýipi saqtalady. Osyǵan oraı, qala turǵyndary men qonaqtaryna taýlar men qarly tik jartastarǵa shyqpaýǵa keńes beremiz. Taýda abaı bolyńyzdar, – delingen Almaty qalalyq tótenshe jaǵdaılar departamenti taratqan habarlamada.

Eske salaıyq, keshe Almaty daýyl saldarynan 28 aǵash qulap, 3 shatyr ushqanyn jazǵanbyz. 

Sondaı-aq daýyl saldarynan Almaty botanıkalyq baǵy birneshe kúnge jabyldy. 

Almaty oblysy Shamalǵan aýylynyń mańynda 46 jastaǵy er adamǵa aǵash qulady, ol oqıǵa ornynda qaza tapty.