Almatylyq «Qaırat» argentınalyq fýtbolshymen kelisimshart jasasty

ALMATY. KAZINFORM – «Qaırat» komandasynyń sapyna jańa legıoner qosyldy. 

Almatylyq ujym argentınalyq 24 jastaǵy vıngermen 2027 jyldyń sońyna deıin jaramdy kelisimshartqa qol qoıdy.

Hýan Sebastıan Sebalos Býenos-Aıres provıntsııasynyń Hose Marııa Jaýregı qalasynda dúnıege kelgen. Ol kásibı mansabyn Los-Andeste bastady, sodan keıin argentınalyq «Independıente Rıvadavııa» jáne Tallerestiń ekinshi komandasynda oınaǵan. Óz elinen ketkennen keıin fýtbolshy Bolıvııadaǵy «Real Orýro» top-klýbynda dop tepti. Ótken maýsymda 40 matchqa qatysyp, 18 gol soǵyp, 5 nátıjeli pastyń avtory atandy. 

Eske sala keteıik, buǵan deıin «Qaırat» fýtbol klýbyna brazılııalyq qorǵaýshy Lýkas Afrıko kelgenin jazǵanbyz. Atalǵan oıynshy jańa komandasynyń sapynda 2026 jyldyń sońyna deıin óner kórsetedi.