Almatylyq ınvestorlarǵa 103 mln teńge salyq zańsyz eseptelgen

ALMATY. KAZINFORM – Almatylyq prokýrorlar 31 ınvestorǵa negizsiz eseptelgen salyq tólemderin qaıtardy.

Prokýratýra Almaty qalasyndaǵy ındýstrııalyq aımaqtyń 31 qatysýshysyna (4,5 myń jumys ornyn qurý perspektıvasy kózdelgen 188,1 mlrd teńgeniń jobalaryn iske asyratyn) jer telimderin paıdalanǵany úshin 103 mln teńge salyq tólemderiniń negizsiz eseptelgenin anyqtady.

– Atap aıtqanda, memlekettik kiris organdary Salyq kodeksiniń talaptaryn (709-baptyń 10-tarmaǵy) jáne ınvestorlardyń ındýstrııalyq aımaqtyń basqarýshy kompanııasymen sharttarynda kórsetilgen talaptardy eskermegen, olarǵa sáıkes jer jáne múlik salyǵynyń somasy (onyń ishinde jer ýchaskelerin paıdalanǵany úshin tólemder) 100 %-ǵa azaıady,–dep habarlady prokýratýradan.

Alataý aýdany prokýratýrasynyń qadaǵalaý aktisimen ınvestorlarǵa, negizsiz tólegen aqshalary qaıtaryldy.

Eske salsaq, buǵan deıin Almatydaǵy aýyr mashına jasaý zaýytynyń jyljymaıtyn múlki memleketke qaıtarylǵany týraly jazǵan edik.