Almatylyq dárigerler jambasyna protez kirip ketken naýqasqa operatsııa jasady

Almatylyq dárigerler jańa tehnologııalardyń kómegimen aýyr naýqasty aıaqqa turǵyzdy. Patsıent №7 qalalyq klınıkalyq aýrýhanaǵa asa aýyr halde jetkizildi. Osydan 10 jyl buryn onyń jambas býyny almastyrylǵan. Jaraqat saldarynan tsementsiz ádispen bekitilgen protez jambas qýysyna kirip ketken, dep habarlaıdy Kazinform.

Aýrýhananyń polıjaraqat bólimshesiniń meńgerýshisi Ramazan Áskerovtiń aıtýynsha, protez urshyq oıyǵyna kirip ketken. Saldarynan jambas qýysy qatty zaqymdanǵan. Naýqas birden jansaqtaý bólimine jatqyzyldy.

Jaǵdaıy turaqtanǵannan keıin bólimshege aýystyrylyp, klınıka basshylarynyń qatysýymen konsılıým ótkizildi.

«Mundaı jaǵdaılar óte sırek kezdesedi. Biz eki kezeńnen turatyn ota jasaý týraly sheshim qabyldadyq. Birinshisinde ish qýysy arqyly synǵan protez bólshekterin alyp shyqtyq. Jaǵdaıy jaqsarǵannan keıin revızııalyq endoprotez ornattyq. Bul ortopedııalyq operatsııa ishindegi eń aýyr otalardyń biri. ıAǵnı, bir ret ota jasalǵan jerdi taǵy qozǵap, operatsııa jasadyq. Travmatolog-ortopedter men anestızıologtar komandasynyń biliktiliginiń arqasynda kúrdeli ota sátti ótti», - deıdi Ramazan Áskerov.

Patsıent otadan keıin ekinshi kúni tósekte otyratyn boldy. Úshinshi kúnnen bastap arnaıy qurylǵynyń kómegimen júre bastaǵan.

«Bul joǵary tehnologııaly operatsııa. Qazaqstanda endoprotezdeý operatsııasyn mindetti áleýmettik medıtsınalyq saqtandyrý arqyly tegin jasatýǵa bolady», – dep atap ótti dáriger.