Almatylyq dárigerler Ýkraınadan kelgen 92 jastaǵy ájeıdi aıaǵyna turǵyzdy
ALMATY. KAZINFORM - Almatylyq travmatologtar 92 jastaǵy ájeıdiń jambas súıegine ota jasady.
Almaty qalalyq qoǵamdyq densaýlyq saqtaý basqarmasynyń málimetinshe, ýkraınalyq Antonına Lavrınenko Almatyǵa nemeresine qonaqqa kelgen. Túnde ájeı óz bólmesinde qulap, oń jaq san súıeginiń jabyq urshyqastar synyǵy aýyr jaraqatyn alǵan. Mundaı jaǵdaıda shuǵyl hırýrgııalyq aralasý qajet. Bul jaǵdaıda travmatologtar san súıegi bólikterin ishki bekitý arqyly qaıta ornalastyrady, áıtpese, patsıent qozǵala almaı qalýy múmkin.
92 jastaǵy ájeı sheteldik bolǵan soń, nemeresi kómek izdep birneshe jeke klınıkaǵa barǵan. Jasy men ota kezinde asqyný qaýpine baılanysty ota jasaýǵa ájeıdi eshkim qabyldmaǵan.
«Ájem qulaǵan soń ony qalalyq travmatologııalyq ortalyqtyń birine aparyp, alǵashqy medıtsınalyq kómek aldyq. Ájemniń jasyna baılanysty oǵan ota jasaý usynylmady.. Bul rette barlyǵy ájeme ota jasaýǵa keńes berdi, biraq onyń jasyna baılanysty birde-bir jeke klınıka ony qabyldamady. Biz №4 qalalyq klınıkalyq aýrýhanaǵa habarlastyq. Aýrýhananyń dárigerleri men medbıkelerinen quralǵan brıgadanyń qatań baqylaýymen búkil tarıhymyzdy zerttep, tekseris, synaqtardan keıin ájemdi emdeýge aldy. Gamma ózekti paıdalanyp, oń jaq san súıegi bólikteriniń jabyq repozıtsııasy otasy jasaldy. Otadan keıin bir aptadan soń ájemiz arnaıy júris arbasymen júre aldy. Qabyldaý bóliminiń meńgerýshisi Haıroev Magadın Mıkaılovıchke jáne №4 qalalyq klınıkalyq aýrýhananyń ujymyna kásibı sheberligi úshin kóp rahmet. Bir jarym aı ótken soń, búgin bizde baqylaý tekserý boldy. Ájem qazir taıaqpen júre alady. Myń alǵys» - deıdi nemeresi Tımýr.
№4 qalalyq klınıkalyq aýrýhanaǵa 1932 jyly týǵan naýqas oń jaq jambas býyny aımaǵyndaǵy aýrý sezimine jáne oń aıaqtyń tirek fýnktsııasynyń buzylýyna shaǵymdanyp túsken. Naýqas jaraqatty bir kún buryn oń jaq jambas býynyna qulap alǵan. Dıagnozy: súıek bólikteriniń yǵysýymen oń jaq san súıeginiń jabyq urshyqastar synýy. Naýqas birden ortopedııalyq hırýrgııa bólimine hırýrgııalyq emdeýge jatqyzyldy.
«Naýqas aýrýhanaǵa jatqan kúni biz oǵan shuǵyl jambas súıegi bólikteriniń jabyq repozıtsııasyn qulyptaýshy ıntramedýllıarlyq ımplantpen ishki bekitý otasyn jasadyq. Ota 1,5 saǵatqa sozyldy. Hattamaǵa sáıkes, naýqas aýrýhana jaǵdaıynda aıaǵyna turǵyzyldy, ol júris arbasy kómegimen qozǵala bastady. Bir aptadan soń jaǵdaıy jaqsaryp, ájeı ambýlatorlyq emdelýge úıge shyǵaryldy», - dedi №4 qalalyq klınıkalyq aýrýhananyń qabyldaý bóliminiń meńgerýshisi, tájirıbeli travmatolog-ortoped Magadın Haıroev.
Otany qabyldaý bóliminiń meńgerýshisi M.Haıroev, assıstent travmatolog-ortoped N.Kısakov, anestezıolog-reanımatolog A.Bıjanov, otalyq medbıke R.Áýbákirova jasady.
