Túrkistanda psıhıatrııalyq eseptegi 89 azamattyń kólik júrgizýine jol berilgen
TÚRKІSTAN. KAZINFORM — Túrkistan oblysynda medıtsınalyq qarsy kórsetilimi bar 89 azamattyń kólik quralyn basqarýǵa jiberilgeni anyqtaldy.
Saryaǵash aýdanynyń prokýratýrasy azamattardyń ómiri men densaýlyǵyn qorǵaý jáne qaýipsizdigin qamtamasyz etý salasyndaǵy zańnamanyń saqtalýyna taldaý júrgizdi.
Taldaý barysynda narkologııalyq jáne psıhıatrııalyq esepte turǵan, kólik júrgizýge medıtsınalyq qarsy kórsetilimderi bar 89 adamnyń júrgizýshi kýálikteri bolǵany jáne olardyń kólik quralyn basqarýǵa jiberilgeni belgili boldy.
— Zańnama talaptaryna sáıkes psıhıkalyq jáne minez-qulyqtyq buzylystary jáne psıhoaktıvti zattardy qoldanýǵa baılanysty buzylystary bar adamdar medıtsınalyq qarsy kórsetilimder bolǵan jaǵdaıda kólik quralyn basqarýǵa jiberilmeıdi. Prokýrorlyq qadaǵalaý aktisi negizinde sot sheshimimen atalǵan tulǵalardyń kólik quralyn basqarý quqyqtary toqtatyldy, — delingen oblys prokýratýrasynyń habarlamasynda.
Qabyldanǵan sharalardyń nátıjesinde jaýapty laýazymdy tulǵalar zańnamada belgilengen tártippen jaýapkershilikke tartyldy.
Buǵan deıin Túrkistan oblysynda mas kúıde kólik tizgindegen áıel 3 adamnyń ómirin qıǵany týraly jazǵan edik.
