Almatylyq boıjetken jelide qazaq tilin «mámbetter tili» dep ataǵan

Almatylyq boıjetkenniń qazaq jáne qyrǵyz tilderin jamandap sóılegen vıdeosy jelige tarady, dep habarlaıdy Kazinform.

Jelide tikeleı efırge shyqqan boıjetken oǵan qazaq tiliniń unamaıtynyn aıtqan.

«Maǵan qazaq tili óte unamaıdy. Shynyn aıtqanda ol «mámbetterdiń» tili. Qazir bul mámbetter aýyldardan qalaǵa qaraı aǵylyp kelip jatyr, saldarynan qalada úlken keptelister paıda boldy. Men ózim Almatydan bolamyn. Maǵan qazaq tili unamaıdy, qazaq pen qyrǵyzdyń tili «mámbetterdiń» tili», - dedi boıjetken jelide.

Vıdeodaǵy jazbada boıjetkenniń tikeleı efırge jıi shyǵyp, ultaralyq alaýyzdyqty qozdyryp otyratyny jazylǵan.

Almaty qalalyq polıtsııa departamentinde atalǵan derek QR QR-niń 174-baby boıynsha sotqa deıingi tergeý bastalǵanyn habarlady.

«QR zańnamasyna sákes sharalar qabyldanatyn bolady», - dep habarlady qalalyq polıtsııa departamentiniń baspasóz qyzmeti.