Almatylyq azamattan 30-shaqty urlanǵan smartfon tabyldy

ALMATY. KAZINFORM – Almaty qalasynda jedel-izdestirý is-sharalary barysynda polıtsııa qyzmetkerleri urlanǵan tehnıkany satyp alý jáne saqtaý isine qatysy bar degen kúdikpen er adamdy ustady, dep habarlaıdy Kazinform agenttigi.

Operatsııa júrgizýge qalalyq mekemelerdiń birinde jasalǵan uıaly telefon urlyǵyn tergeý negiz bolǵan. Jedel ýákilderdiń jumysy barysynda kúdiktiden urlanǵan smartfon, sondaı-aq ártúrli markadaǵy taǵy 30 uıaly telefon men eki planshet tabylyp, tárkilendi. Qazirgi ýaqytta alynǵan tehnıkanyń shyǵý tegi anyqtalyp jatyr.

Almaty qalalyq polıtsııa departamenti krımınaldyq polıtsııa basqarmasynyń bastyǵy Ashat Dáýletııarovtyń aıtýynsha, atalǵan fakti boıynsha qylmystyq jolmen alynǵan múlikti aldyn ala bile tura satyp alý jáne saqtaý belgilerimen sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaldy.

Quqyq qorǵaý organdary tárkilengen tehnıkanyń zańdy ıelerin anyqtaýǵa baǵyttalǵan jedel-tergeý is-sharalaryn jalǵastyryp jatyr. Sondaı-aq ustalǵan adamnyń múliktik sıpattaǵy ózge de qylmystarǵa qatystylyǵy tekserilýde.

Buǵan deıin Almatyda polıtsııa alkogol ónimderin zańsyz satý derekterin anyqtady.