Almatylyq alty sportshy qysqy Olımpıadaǵa joldama aldy
ALMATY. KAZINFORM — 2026 jyly Almaty sportshylary iri halyqaralyq jarystarǵa, sonyń ishinde XXV Qysqy Olımpıada oıyndary men Jazǵy Azııa oıyndaryna daıyndyqty bastady. Bul týraly Almaty sport basqarmasynyń basshysy Darhan Nurhanuly aıtty.
Onyń sózinshe, qazirgi tańda Almatydan Qysqy Olımpıada oıyndaryna qatysýǵa 6 lıtsenzııa bar. Olımpıada 6-22 aqpan aralyǵynda Italııada ótedi.
Lıtsenzııa ıelengen sportshylar:
- Mıhaıl Shaıdorov — mánerlep syrǵanaý,
- Evgenıı Koshkın — konkı sporty,
- Aleksandra Skorohodova,
- Rostıslav Hohlov — taý shańǵysy sporty.
Sonymen qatar shańǵymen tramplınnen sekirý sportynan Ilıa Mızernyh pen Danıl Vasılev taǵy alty lıtsenzııaǵa úmitker. Bul sportshylarǵa qatysty resmı sheshim 22 qańtarda belgili bolady.
Budan bólek, 19 qyrkúıek pen 4 qazan aralyǵynda Japonııada (Aıtı prefektýrasy, Nagoıa qalasy) ótetin Jazǵy Azııa oıyndaryna da daıyndyq júrip jatyr.
Almatydan 23 sport túri boıynsha 79 sportshy qatysady dep josparlanyp otyr. Oqý-jattyǵý jıyndary Eýropa, Azııa elderi men AQSh aýmaǵynda ótip jatyr.
Komandanyń basty maqsaty — aldyńǵy Azııa oıyndaryndaǵy nátıjeden asyp túsý jáne sportshylardy 2028 jyly Los-Andjeleste ótetin Jazǵy Olımpıada oıyndaryna sapaly daıyndaý.
Eske salaıyq, buǵan deıin 2026 jylǵy qysqy Olımpıada baǵdarlamasynda qandaı ózgerister bar ekenin jazǵanbyz.