Almatylyq alpınıster qutqarýshylardy ekstremaldy jaǵdaılarda jumys isteýge úıretedi
ALMATY. KAZINFORM - 2024 jyldyń 5 qyrkúıegi men 1 qazan aralyǵynda «Tuıyq-Sý» alpınıstik lagerinde Respýblıkalyq jedel-qutqarý otrıadynyń qutqarýshylaryna «Bastapqy daıyndyq» baǵdarlamasy boıynsha oqytý jumystary ótkizilip jatyr.
Qutqarýshylardy oqytý Almaty qalasynyń alpınızm federatsııasynyń tájirıbeli usqaýshylarynyń jetekshiligimen júrgizilýde. Jobany uıymdastyrýshy – Almaty qalasynyń týrızm basqarmasy.
– Oqý baǵdarlamasy qutqarý operatsııalarynyń negizgi prıntsıpteri men ádisterin meńgerýge, sondaı-aq tótenshe jaǵdaılarda uıymdastyrý jáne basqarý daǵdylaryn damytýǵa baǵyttalǵan teorııalyq jáne praktıkalyq sabaqtardan turady, - dep habarlady ákimdikten.
Teorııalyq daıyndyq barysynda qutqarýshylar qutqarý operatsııalaryn josparlaýdyń negizgi aspektilerin, táýekelderdi baǵalaýdy, arnaıy alpınıstik qural-jabdyqtardy qoldanýdy jáne taýly jaǵdaıda alǵashqy medıtsınalyq kómek kórsetý tehnıkasyn úırenbek. Praktıkalyq daıyndyq naqty taýly relef jaǵdaıynda 1-2 kúrdelilik deńgeıindegi Іle Alataýynyń klassıfıkatsııalanǵan alpınıstik marshrýttarynda 3-razrıad normatıvin oryndaý arqyly ótedi.
Eske salaıyq, buǵan deıin Almaty qutqarýshylarynyń eskirgen aıaq-kıimge shaǵymy týraly jazǵanbyz.
