Almatyǵa jarty jylda 1,1 mıllıonnan astam týrıst keldi

ALMATY. KAZINFORM — 2025 jyldyń alǵashqy jartysynda Almatyǵa 1,14 mıllıonnan astam týrıst keldi. Bul ótken jyldyń osy kezeńimen salystyrǵanda 6,5% kóp. Bul týraly Qalalyq týrızm basqarmasy habarlady. 

Týrısterdiń 323,5 myńy sheteldik, al 816,5 myńy ishki týrıst.

— Ásirese, Qytaıdan kelgen meıman kóp. Alty aıda Almatyǵa 54,1 myń qytaılyq azamat aıaldaǵan. Bul ótken jylmen salystyrǵanda 33,4% artyq. Qytaıdan soń Úndistannan keıingi ekinshi oryndy ıelendi (56,2 myń adam). Úzdik bestikte Túrkııa (17,9 myń), Koreıa Respýblıkasy (9,7 myń), AQSh (9,6 myń), BAÁ (6,7 myń) jáne Germanııa (6,5 myń) bar, — delingen habarlamada.

Halyqaralyq týrıster sanynyń artýyna týrıstik ınfraqurylymdy damytý men qala qonaqtaryna arnalǵan zamanaýı servısterdi engizý yqpal etti. Qalalyq týrızm basqarmasynyń málimetinshe, Almaty demalys pen iskerlik týrızm úshin tartymdy baǵyt retinde pozıtsııasyn nyǵaıtyp, týrıstik lektiń aýqymyn keńeıtip, kelýshilerge jaıly jaǵdaı jasap otyr.

Aıta keteıik, Almatydan Máskeýge tikeleı barýǵa bolady.