Almatyǵa jarty jylda 1 mln-ǵa jýyq týrıst keldi

Almatyǵa Reseıden keletin týrısterdiń sany kósh bastap tur. Bul týraly «Ortalyq Azııa elderinde týrızmdi damytý» taqyrybynda ótken baspasóz máslıhatynda qalalyq týrızm basqarmasy basshysynyń orynbasary Aqmaral Eshanova málim etti, dep habarlaıdy Kazinform.

Almatyda bıylǵy birinshi jartyjyldyqta kelgen týrısterdiń jalpy sany 972 157 adamǵa jetti.

Onyń ishinde sheteldik týrıster sany — 261 571.

Bul ótken jylmen salystyrǵanda 72,6% kóp. Al ishki týrıster sany 710 586 bolyp, 14% ósti. 

«Týrıster sanynyń jalpy dınamıkasy 25,5 paıyzǵa ósti. Kelýshilerdiń eń kóbi Reseıden — 39,2%, Qytaıdan — 9,2%, Úndistannan — 7%, Túrkııadan — 6,6%, AQSh — 3,4%, Ońtústik Koreıadan — 3,2%, Ózbekstannan — 2,9%, Qyrǵyzstannan — 2,8%, Germanııadan — 2,5% kelgen», — dedi Aqmaral Eshanova.