Armenııalyq áýe kompanııasy Qazaqstanǵa jańa reıs ashty
ASTANA. KAZINFORM — Qazaqstan Respýblıkasy Kólik mınıstrlig iushý baǵyttarynyń geografııasyn keńeıtý jáne halyqaralyq reıster sanyn arttyrý boıynsha júıeli jumys júrgizip jatyr. 12 maýsymynan bastap Qazaqstannyń áýe tasymaly naryǵyna Armenııanyń jańa sheteldik áýe tasymaldaýshysy — «FlyOne Armenia» áýe kompanııasy qosyldy. Bul týraly Kólik mınıstrligi málim etti.
— Áýe kompanııasy Erevan — Almaty baǵyty boıynsha aptasyna 2 ret (dúısenbi jáne juma kúnderi) tikeleı turaqty jolaýshylar reısterin oryndaı bastaıdy. Nátıjesinde Qazaqstan men Armenııa arasyndaǵy reısterdiń jalpy sany aptasyna 3 reısten 5 reıske deıin artady, — delingen habarlamada.
Qazaqstan men Armenııa arasyndaǵy jańa áýe qatynasynyń ashylýy eki el arasyndaǵy saýda-ekonomıkalyq, iskerlik, ınvestıtsııalyq, týrıstik jáne mádenı yntymaqtastyqty odan ári damytýǵa yqpal etedi.
Al 13 maýsym kúni Ahmet Baıtursynuly atyndaǵy halyqaralyq áýejaıy Ózbekstannyń Centrum Air áýe kompanııasynyń Qostanaı-Tashkent-Qostanaı baǵyty boıynsha alǵashqy turaqty reısin qarsy alady.
