Almatyǵa reıs brondaıtyn týrıster sany 1,5 ese ósti
ALMATY. KAZINFORM — Almatyǵa keletin saıahatshylardyń baǵyttary men týrıster sanyna zertteý júrgizildi.
Taldaý saıahattyń negizgi kezeńderin qamtıdy — josparlaý, brondaý, ornalasý men demalys.
Almaty — elimizdegi basty týrıstik ortalyqtardyń biri. Ortalyq Azııada barlyq týrıstik suranystarynyń 29,7 paıyzy Almatyǵa tıesili.
Ósimdi áýe reısteriniń kóbeıýinen baıqaýǵa bolady: Almatyǵa reıster sany dástúrli áýe kompanııalarynda 24,7% -ǵa jáne loýkosterlerde 44,5 paıyzǵa artty. Qaıta kelýshilerdiń úlesi 78,6%-ǵa ósip, 25 paıyzǵa jetti. Ásirese iri sharalardyń aldynda bıletterdi erterek, 40 kún buryn izdeý ýaqyty 24 paıyzǵa óskenin kórsetedi.
Almaty Tourism Bureau málimetinshe, Almatyǵa reıs brondaıtyn jolaýshylar sany 1,5 ese ósken. Bul qoljetimdi reısterdiń kóbeıýimen baılanysty. Aldyńǵy qatardaǵy 10 eldiń ishinde Qytaı kósh bastap tur. 2024 jyldyń birinshi jartyjyldyǵynda bul elden brondaýlar sany 6 esege artyp, 25,2 myń bıletke jetti. Eń kóp brondaý Túrkııadan jasalǵan, bul Qazaqstanmen iskerlik baılanystardyń tyǵyzdyǵyna qatysty.
Almatyǵa keletin týrıster belsendi demalysty jón kóredi: Saıahatshylardyń 54 paıyzy týrlar men ekskýrsııalardy tańdaıdy. 44% -y djıp-týrlardy jón kóredi. Gastronomııa, shopıng jáne oıyn-saýyq joǵary baǵalanady.
Otbasylyq týrızmge qatysty jaǵymdy pikirler úlesi 12 paıyzǵa ósti. Іskerlik shyǵyndar belsendilik, ınvestıtsııalar jáne halyqaralyq forýmdardyń kóbeıýine baılanysty úsh esege artty.
Eske salaıyq, buǵan deıin sheteldik týrıster qarajatynyń 50 paıyzyn jatyn orynǵa jumsaıtyny týraly jazǵan edik.